"Ауғанстан- жүректегі жара" атты тақырыбы бойынша ерлік сабағы өтті
"Кеңес әскерлерін Ауғанстаннан шығару" күнінің 30 жылдығына арналған "Ауғанстан- жүректегі жара" атты тақырыбы бойынша ерлік сабағы өтті. "Ауғанстан- жүректегі жара" тақырыбы бойынша ақпарат берілді. 1979-89 жылдарда, яғни 10 жылға жуық созылған бұл соғыста көптеген отбасының шаңырағы шайқалды. Қайсыбір ана жалғыз боздағынан айырылды, кейбір әйел жесір, кейбір бала әкесіз, кейбір отбасы панасыз қалды. Енді ғана азамат атанып әскер атанып әскер қатарына алынған қаншама жігіттеріміз ауған даласында жан тапсырды. Ал кейбір жауынгерлер із-түзсіз жоғалып кетті. Аяқ-қолдан айырылып қан төгіп мүгедек болғандар қаншама! Ауған соғысы- жүректе жазылмайтын, тарихта ерекше орын алатын беттер... Әр халықтың, әр адамның қасиетті борышы- Отаны үшін жанын пида қылған азаматтарын мәңгі есте сақтап, құрметтеу, жас ұрпаққа отан сүйгіштіктің үлгісі ретінде насихаттау екенін ешқашан ұмытпайық.
