Солтүстік Қазақстан облысы әкімдігінің білім басқармасы облыстың білім беру ұйымдарында оқитын балалардың ата-аналарына, заңды өкілдеріне оқу жылының аяқталуына байланысты ата-аналардың білім беру ұйымдарының директорлары мен мұғалімдеріне сыйлықтар беру жағдайлары болуы мүмкін екенін хабарлайды.
"Әкімшілік құқық бұзушылық туралы" Қазақстан Республикасы Кодексінің 676-бабына сәйкес заңсыз материалдық сыйақы мен сыйлықтар беру екі жүз айлық есептік көрсеткіш мөлшерінде айыппұл салуға әкеп соғатынын хабарлаймыз. Сондай-ақ, "Әкімшілік құқық бұзушылық туралы" Қазақстан Республикасы Кодексінің 677-бабына сәйкес білім беру ұйымдарының директорлары мен мұғалімдерінің заңсыз материалдық сыйақы мен сыйлықтар алуы алты жүз айлық есептік көрсеткіш мөлшерінде айыппұл салуға әкеп соғады.
Осыған байланысты, сыбайлас жемқорлық фактілерін болдырмау мақсатында ата-аналардан және балалардың заңды өкілдерінен білім беру ұйымдарының директорлары мен мұғалімдеріне сыйлықтар мен өзге де материалдық сыйақылар беруден бас тартуды сұраймыз.
