Психолог күніне орай, психология мәселелеріне бағытталған тренингтер мен анкеталар өткізілді,і Мектеп психологы Момунова Б.М.көптеген қызықты іс-шаралар ұйымдастырды. Басты мақсаты – психолог мамандығының маңыздылығын адамдарға ескерту, өйткені еліміздің көптеген адамдарына олардың қызметі өте қажет. Осы мамандар адамдарға дұрыс шешім қабылдауға, отбасыда бірлік пен татулықты сақтауға немесе жақын адамдармен қатынасты жақсартуға көмектесетіні болды. Оқушылар шеңберде тұрып, Психолог күніне құттықтаулар айтты. Оқушылар бір-біріне жылулық пен көңіл сыйлап, шын жүректен Психолог күніне тілектер білдірді. Күйзеліске түскен азаматтарға ақыл-кеңесін аямайтын, жылы сөздерімен аялайтын жандарға арнап жергілікті өнерпаздар әсем әндерін төгілтіп, би биледі, тренингтер мен тілектер айтылды. Психолог маманы Момунова Б.М. жүрегі жабырқаған адамдарға пайдалы кеңес береді. Мәселелер мезі етіп, қиындыққа душар болғанда осы мамандық иелерінің көмегіне жүгінетініміз һақ. Өз жұмысына жауапты, өз ісіне сауатты психолог маманы Момунова Б.М. қуаныш пен қошеметке бөленді. Құттықтау рәсімінің соңы концертке ұласты. Мәртебелі мерекеде тамылжыта ән шырқап, би билеген балғындар мерекелік көңіл-күйді көтерді.
