Республикалық "Жарқын болашақ" олимпиадасының аудандық кезеңі
Ақпан айының он екісі күні қазақ тілінен республикалық "Жарқын болашақ" олимпиадасының аудандық кезеңіне қатысқан Бұлақ орта мектебінің оқушылары жүлделі орындармен оралды. Қазақ тілі және әдебиеті пәнінің мұғалімі Ж.Ә.Қалиеваның жетекшілік етуімен дайындалған оқушылар аталмыш олимпиаданың үш номинациясы бойынша бақ сынаған болатын. Сонымен, "Тілші-әдебиетшілер номинациясы бойынша 11-сынып оқушысы Шопанаева Лейла ІІ орынды иеленсе, "Жас ғалымдар номинациясы бойынша 8-сынып оқушысы Төлебай Әйгерім, "Сөз шеберлері" номинациясы бойынша 8-сынып оқушысы Қайырлы Мадина да ІІ орындарды иеленіп, өз еңбектерінің жемісін көрсетті. Оқушыларымызға бұдан кейін де үлкен-үлкен жетістіктер мен жеңістер тілейміз!
