50 мыңнан астам қазақстандық педагог біліктілік тестілеуінен өтті Барлық құқықтар қорғалған. inform.kz белсенді сілтемені пайдаланыңыз https://www.inform.kz/kz/50-mynnan-astam-kazakstandyk-pedagog-biliktilik-testileuinen-otti_a3450273
АСТАНА. ҚазАқпарат - Білім және ғылым министрлігі педагог мәртебесін жоғарылату мақсатында аттестаттаудың жаңа түрін енгізген болатын. Тестілеу ағымдағы жылдың 3-5 қараша аралығында жүргізілді, деп хабарлайды ҚазАқпарат министрліктің баспасөз қызметіне сілтеме жасап. ҰҚСАС ЖАҢАЛЫҚТАР Елбасы тапсырмасы: «Педагог мәртебесі» туралы заң жобасын дайындау басталды Еліміздің барлық өңірінен 51 271 мұғалім «педагог-сарапшы», «педагог-зерттеуші», «педагог-модератор», «педагог-шебер» санаттарын алу мақсатында тестілеуге қатысып, жақсы нәтижелер көрсетті. Орта білім беру ұйымдарының педагогтары Ұлттық біліктілік тестілеуін 36 ЖОО, 2 колледж және 27 мектепте ұйымдастырылған пунктілерде тапсырды. 34 185 педагог тестілеуді сәтті тапсырды, оның ішінде: «педагог-модератор» - 10346 (72%), «педагог-эксперт» - 12215 (65%), «педагог-зерттеуші» - 10957 (65%) және «педагог-шебер» - 667 (53%). Өткен тестілеумен салыстырғанда қараша айындағы тестілеуде шекті деңгейден өткен педагогтардың саны артқанын байқауға болады. Естеріңізге сала кетейік, Ұлттық біліктілік тестілеуінің нәтижесінде мұғалімдердің жалақысы біліктілігінің расталуына байланысты өседі. Ұлттық біліктілік тестілеуі - сұрақ кітапшасы мен жауап парағын пайдалану арқылы жүзеге асырылатын кешенді тестілеу. «Оқу әдістемесі мен педагогика» модульдері бойынша әзірленген сұрақтардың 70 пайызы пәндік білімге және 30 пайызы педагогика мен әдістемеге бағытталған.
